«Արմենիա» ՀԲԿ-ն այսօր. armeniamedicalcenter.am

«Արմենիա» ՀԲԿ«Արմենիա» ՀԲԿ-ն բազմապրոֆիլ բժշկական կենտրոն է՝ հագեցած նորագույն սարքավորումներով և բարձրակարգ մասնագետներով: Կենտրոնում գործող ախտորոշիչ կենտրոնն իր նորարարական տեխնոլոգիաներով առաջատարներից է Հայաստանում: 2016-ին Համազգային վստահության խորհրդի «Հուսո աստղ 2016. Տարվա բժիշկ և տարվա բուժհիմնարկ» անվանակարգում արժանացավ «Նորարարական տեխնոլոգիաներ կիրառող տարվա ախտորոշիչ կենտրոն» կոչմանը: Առաջընթաց է ապահովում նաև կենտրենի լաբորատոր ծառայությունը: Բոլորովին վերջերս ԱՀԿ կողմից իրականացվել է հակամանրէաբանական զգայունության որակի արտաքին գնահատման փորձաքննություն, որի շրջանակում «Արմենիա» ՀԲԿ-ն ստացել է Կենտրոնական Ասիայի ու Արևելյան Եվրոպայի հակամանրէաբանական կայունության հսկողության հավաստագիր:

«Արմենիա» ՀԲԿ վիրաբուժական կլինիկայում իրականացվում են բազմատեսակ միջամտություններ: Կատարվում են ենթաստամոքսային գեղձի ուռուցքային ախտահարումների ժամանակ լեղուղիների էնդոսկոպիկ ստենտավորում, միջմաշկային, միջլյարդային դրենավորում, որից հետո կատարվում է պանկրեատոդուոդենալ մասնահատում՝ որպես երկրորդ էտապ վիրահատություն բիլիոդիգիստիվ բերանակցումներից, ցիստէնտերոստոմիաներից հետո: Կատարվում են նաև լյարդի անատոմիական մասնահատումներ ֆոկալ նոդուլյար հիպերպլազիայի, մետաստատիկ ուռուցքների դեպքերում: Իրականացվել են բարդ ներանոթային վիրահատություններ՝ ներլյարդային զարկերակ-դռներակային շունտի փակում և գաստրոդուոդենալ զարկերակի անևրիզմայի փակում, ընդ որում, ախտահարումներն ուղեկցվել են դռներակային հիպերտենզիայի զարգացմամբ և կերակրափողի, կարդիայի վարիկոզ լայնացած երակներից արյունահոսությամբ (վարիկոզ լայնացած երակների լիգավորում, արյունահոսության դադարեցում, որից հետո՝ ներանոթային վիրահատություն):

«Արմենիա» ՀԲԿ«Արմենիա» ՀԲԿ էնդոսկոպիկ ծառայության շրջանակում արդեն մի քանի տարի է, ինչ իրականացվում է մարսողական համակարգի ստենտավորում` ուռուցքների, բարորակ նեղացումների և խուղակների ժամանակ: 2016 թ. առաջին անգամ կերակրափողի պատռվածքի ժամանակ տեղադրվեց կերակրափողի ստենտ (կերակրափողի ստենտավորումով հաջողվեց խուսափել միջնորմի վրա իրականացվող բարդ վիրահատությունից): Առաջին անգամ հաստ աղու ուռուցքով հիվանդի մոտ կատարվեց հաստ աղու ստենտավորում: 2016 թ. էնդոսկոպիկ եղանակով, օգտագործելով rendez-vous տեխնիկան, կատարվել է լեղուղիների ստենտավորում` նիտինոլային ստենտով, միջմաշկային միջլյարդային մուտքը էնդոսկոպիկ մուտքի հետ համադրմամբ:

Կլինիկայում կատարվում է նաև վիսցերալ անգիոգրաֆիա և էմբոլիզացիաներ:

«Արմենիա» ՀԲԿ քիթ-կոկորդ-ականջաբանական կլինիկայում իրականացվում են քիթ-կոկորդ-ականջաբանության և դիմածնոտային վիրաբուժության մասնագիտացված ախտորոշիչ-բուժական գործունեություն ամբողջ ծավալով՝ հետազոտության և բուժման նորագույն մեթոդների ներդրմամբ:

Հարցեր, պատասխաններ, մեկնաբանություններ